PELEHON NA DUMENGGAN TU DEBATA ( Roma 12:1)
Adong do onom dakdanak di sada
ina. Di na sadari dibege ibana do pandita marjamita taringot tu pelean.
Dipangido pandita do asa ringgas ruas ni huria mangalehon pelean na tama. Gabe
targurak do rohana jala marjanji laho mangalehon anakna manghobasi ulaon ni
Debata.
Laho patulushon janjina, gabe
marhusari do rohana, anakna na dia do sipelehononna tu Debata? Molo anak
buhabaju do, ba calon dokter gigi do; anak paidua boruboru calon dokter; anak
paitolu calon sarjana hukum; anak paiopat calon sarjana ekonomi, molo pinelehon
sada sian halak on sayangna i.
Beha molo anak pailima? Nang pe
oto dakdanak on, alai mansai bisuk do ibana mardagang. Jala dipatujolo do on
songon na manguduti usaha ni amangna. Molo nipelehon on tu Debata, daga rugina
i.
Beha molo anak siampudan? Ndang
holan na bodo bayo on di singkola, adong do sifatna anginanginan; dibagas be so
marguna. Tumagon ma on nipelehon tu Debata, so pola rugi, gariada maruntung.
Hape beha ma bahenon mamangke jolma na songon on di huria, boi do gabe
manggugai pelean i.
Halak na manghangoluhon basabasa
ni Debata, tama do mangalehon na dumenggan, unang ma na roa. Jaha Rom 12, 1.
lehon ma anak na dumenggan gabe pangula
Tidak ada komentar:
Posting Komentar