Naso jadi Sirang ia so sinirang ni hamatean, Mateus 19:6
"ise do pilliton mu?"
Mateus 19:6 Asa ndada dua be nasida, tung sada
daging do. Onpe, naung pinadomu ni Debata, ndang jadi sirangon ni jolma
Demikianlah
mereka bukan lagi dua, melainkan satu. Karena itu, apa yang telah dipersatukan
Allah, tidak boleh diceraikan manusia.
jotjotan do jolma, molo
margait gait makkatai [tarlumobi baoa] tu dongan na mandok songon on : “sai
adong do pandohan na mandok bekas istri/suami, alai tung so adong do pandohan
ni jolma, bekas among/inong manang bekas ianakkon”
lapatan na disi,
naikkon jotjotan do jolma marholong ni roha tu among dohot inong na
marimbanghon tunggani boru/doli na. sai diuduti jolma do mandok, ai molo
tunggani boru/doli sai naboi doi muse luluan, alai molo among/inong, tudia be
luluan panggantina??.
alai adong ma muse
imbar ni pambahenan songon na mangihut on :
disada inganan
parsermonan ni pandita dohot akka sintua pangula ni sada huria, ndung sidung
nasida marsermon pahusor husor hata ni Debata, marhosing ma pakkataion ni
nasida taringot tu pamikkiran ni sada sada jolma, ima isara ni holong, ise do
sipilliton na sian sude akka nahinaholongan ni roha na di portibion.
laos disuru pandita ima
sahalak sintua baoa naposo na pas jonok di lambung na, asa maju tu jolo jonok
ni papan tulis diruangan i, jala didok pandita ima hata na manang sukkun sukkun
na tu sintua i songon on :
Pandita : “surat hamu
ma jolo amang 10 goar na paling jonok tu dirimu [nahinaholongan] mu!”, huhut
dilehon spidol laho manurat akka goar goar na.
Sintua : disurat ibana
ma akka goar ni jolma nahinaholongan na, adong goar ni anggi, iboto, dongan,
damang, dainang, istri, ianankkon dohot akka tondong na niingot na tikki i.
“nunnga be”, ninna
Pandita : “saonari,
pillit hamu ma 7 sian si sappulu i, na botul botul dihaholongi ho, na so tupa
nian marsirang sian ho dihasiangan on”
Sintua : dihapus ibana
ma 3 halak goar nai sian borat ni roha na, “nungnga be amang pandita
nami!", ninna
Pandita : “hapus ma
muse 2 goar nai”, ninna
apala dokdok situtu do
roha ni sintua i laho mangapus goar goar ni akka jolma na hinaholongan na i,
adong mai among na, suang songoni iboto na, gabe tinggal ma holan goar ni : inong,
istri dohot anak na
tung massai
lungun/langa do begeon dibagas inganan i, dang tarbege nanggo soara, pola do
dohot marsigoitan akka sintua na asing di suhi ni meja na asing.
sai dirippu nasida ma
naung sidung sukkun sukkun ni pandita i jala ndang pola adong be na laho
sihapuson be, naeng hundul ma sintua i tu bangku na. hape toppu ma makkatai
pandita i, didok ma muse :
Pandita : “hapus hamu
ma muse sada nai sian na tolu i”, ninna
sai hira gora ni sillam
ditihos ni ari ma borat na dihilala sintua i, hir hodok na, pola do naeng
dibolokkon ibana spridol naditiop nai ala so margogo ibana mangoloi pandok ni
pandita i, jala lungun ma ruangan i dang adong nanggo sahalak pe namakkatai so
ganda holan mamereng bohi ni sintua i, didia do tutu na naeng apuson na sian si
3 goar nahinaholongan nai?.
Alai nanget ma dirgak
simanjujung ni sintua i, jala dibuat ibana ma spidol na, laho manggorget sada
goar sian na tinggal sian na 3 i, digurget ibana ma goar ni “anak” na, creeet!,
ninna.
alai dung digurget
ibana goar ni anak nai, songgot ma ro ilu na dang tartaon ibana pakkilalaan na
naung manggorget goar ni anak nai. jala akka dongan sintua na adong di ruangan
ipe adong do na tangis mamereng sintua na dijolo ni nasida i.
tong dope dang adong
suara na kaluar dibagas ruangan i, dung marimbar tikki muse, nungnga marhusor
be pamatang ni sintua i.
sai dipanotnoti pandita
ima ibana, jala didok pandita ima sukkun sukkun na muse.
Pandita : “ai boasa
gabe goar ni anak mu dippillit hamu?, huboto ma tutu sidalian muna na so olo
mamillit goar ni inong mu, alana ibana do namanubuhon hamu, tarboto ma tutu
holong ni rohamu mar inong i. alai boasa gabe goar ni anak mu gurgeton mu, hape
adong dope goar ni istrimu. hape isara ni na mangolu boi dope muse luluan mu
istri kan?”, ninna pandita i huhut paima ima alus ni sintua i songon na
penasaran.
sude jolma na adong
dibagas ruangan ipe, gabe tarhatotong paimahon aha do alus ni sintua i tutu,
huhut sai sukkun sukkun roha nasida songon pandok ni pandita nakkin, ia istri
na boi do luluan muse, alai boasa gabe anak na na dihapus?.
alai jongjong ma apala
togu sintua i huhut patorang hon pambahenan na nakkin.
Sintua : “molo
marimbangkon partikkian haportibion, damang dainang i naikkon jumolo do
maninggalhon au. suang songoni do tong ianakkon hu, molo dung magodang ibana
muse, jala ro sirokkap ni tondi na, tadinghonon na do au rap dohot
nahinaholongan na. Alai molo istri, ibana do na tongtong mandongani au sonang
manang susah, jala ibana do sogot na maniop tangan hu, na sai rap mardalan tu
dolok tu toruan laho mangeahi portibi on”.
songon na dilap ibana
ma ilu namaraburan i muse, huhut marhosa ganjang, alai huhut ma ditambai
pandita i hata na laho patoguhon roha ni akka sintua na adong diruangan i,
songon paujunghon pakkataion ni nasida.
Pandita : “toho ma
tutu, ia molo natoras dohot ianakkon, ndang hita na mamillit nasida, Debata do
na mangalehon nasida marhite hite huaso Na, alai molo istri?, hita sandiri do
na mamillit sian marribu ribu godang ni borua na adong di portibion, tama do
ibana hot bahenon diroha ta, tung so adong doi na boi manirang hita dohot ibana
saleleng ni ngolu on, ia so disirang hamatean i”.
Tidak ada komentar:
Posting Komentar