Mangido asa unang daratinggion

 

Mangido asa unang daratinggion

 

Lukas 11:13: Gari hamu, angka na jahat i, umboto mangalehon na denggan tu angka anakkonmuna, lam so lehonon ni Ama i sian banua ginjang Tondi Parbadia tu angka na mangido i sian Ibana?

DI iklan sigaret Jarum: ro do jin manungkun sahalak ama: “Kuberi satu permintaan!” Ro ma ama i mangalusi: “Saya takut kepada istriku. Buatlah agar istriku tunduk padaku!” Hape di tingki na manungkun i, di sampingna do inantana. Ro ma inanta i, dipanotnoti ma jin nangkin. “Wong aku ae wedi!” Ninna Jin nangkin. Lapatanna: “Sagari au pe mabiar do tu nyonyam!”

Na naeng idaonta sian iklan on, ndang na Jin i, alai amanta i do, i ma taringot tu na pinangidona. Asal dilehon ma kesempatan mangido ba memang lomo ni na mangido do. Nang pe sabalikna manangna dilehon manangna ndaong, ba lomo ni na mangalehon do.

Jala na naeng itataringoti ndang na taringot tu penindasan. Ai molo didok tertekan do umumna ina ni halak Batak binahen ni ama ni halak Batak, toho do i, tahe? Adong do memang di  huta ni parhuta, rap tu hauma do amanta dohot inanta. Rap marbabo. Rap mulak. Holan i, dung dijabu, mangalompa dope inanta i, amanta martapian. Inanta dope na manghobasi parmanganan. Jala lompan pe gumodang ma di amanta i. Dung i, borhat ma amanta tu lapo! Marsogotna, parjolo do inanta dungo manghobasi bohal siboanon tu balian.

Alai adong do tong amanta na mabiar tu inanta. Ala ni aha ma i, ate? Na garang do inanta i? Ala ni boru ni mora, do? Ala umbalga do boan-boan ni inanta sian amanta di panjaean baru marumatangga? Holan naeng mangalo amanta, ro muse inanta mandok: “Aha? Na naeng hona lompit do ho, huroha!” Mungkin sai adong do justru suami na tertekan, ndang inanta, alai antar jarang do i, ate. Gumodang do ina na tertekan! Boha do di masa saonari? Ndang masa be angka penindasdan di tonga-tonga ni rumatangga, ate!

Marhite turpuk sadarion, disungguli do hita, paboa sitangianghonon ni halak Kristen ndada holan na ringkot tu pardagingon sambing, alai dohot ma nang mangido na ringkot di partondion. Pinangido ma asa ro Tondi ni Tuhanta mangajar-ajari dohot manogu-nogu hita. Pinangido ma asa lamu burju diriniba na mardongan. Asa lamu tahan diri iba, ndang mura-mura dara tinggion. Asa lamu malo manganju, unang sai holan na dianju. Asa malo mangajar dakdanak. Asa buas marbasa-basa. Asa lamu maringgas ni roha din a mandohot par-Koor-an, mandohoti parsermonan, mandohoti angka punguan, mandohoti angka kegiatan…..

  Pdt Maurikson Silitongan MTh

MARSIDALIAN

 

Horbo ni Poriaha

Manggagat di robean

Molo roha soada

Godangma sidalian"

Di sada tikki, sangga mangaso huhut mangopi di sada kode kopi di Siantar di pardalanan mulak sian huta tu Medan, tarbege ahuma didok sahalak amanta na tongon hundul di atas karosi na marhombar balok tu karosi hundulannamima songon on: "Ai memang holan hata sidalian do adong di kamusni! Satongkin satongkin marsidalian! Molo na so boi, didok, asa binoto!" Ndang apala binoto ise na marsidalian jala aha sidalianna, alai na dapot nidodo sian panghataion nasidai, tung sudado roha nasida di sidalian ni dongan nasida parsidalian maos i.

Sidalian ndang holan uhuman alasan, alai alasan na mamintori diri do i. Halak na sai marsidalian ima na so hum-roha manang na so tarjalo rohana dicap sala manang siose padan.

Adong piga piga rumang ni sidalian. Na parjolo, marsidalian tu diri sandiri. Na songon on jotjot masa di na manundarnundar parkarejoan. Na paduahon, na mamintori diri marhite na mandiordiori alus na hira tarjaloroha ni dongan, isarani dalan macet, udan por, manang songgot manombo tukkol. Molo on, nang pe tong dang denggan, ndang apala manalahon dongan di sidalian i.

Na patoluhon, sidalian na masitugantuganan. Ibana do na manguduk laho mangulahon alai dipasahat tu halak. Molo tiba tingkina pertanggungjawaban, ibana cuci tangan jala manalahon donganna. Songon ima tong didok dongannai, masitugantuganan. Sidalian on tarlumobi masa tu angka siulaon manang sikarejoan.

Sidalian na paopathon ima na masipabalibalihan di hasalaan dohot tanggungjawab. Molo sidalian on nunga saumur portibi masa. Dung tarjergot si Adam mamangan parbue ni hau na di parsitongaan ni Porlak Eden i, manigor jalo do ibana marsidalian mangalusi sungkun sungkun ni Debata: "Boruboru na nilehonMi do mangalehon tu Ahu, sian i gabe hupangan". Ro si Hawa mandok: "Ulok i do mangelaela ahu".

Alani, na mangose padan jala mangihutma na marsidalian do hape dosa ni jolma na parjolo sahali. Tu dosa na marsidalian i, sahatma uhum ni Debata: Adam (hir hodok mandiori ngolu), Hawa (Hansit parniahapan manubuhon ianakhon), dohot ulok (manjirir butuhana di atas ni tano).

Alani unangbe hita marsidalian, masitugantuganan, manang manginsugut sian angka tanggungjawab dohot kewajibanta. Taparhamaolma angka padan, tanggungjawab, dohot kewajiban i mangihuthon na marsitutu jala marsiadusiadu di angka situhuhon asa ro pasupasu jala tubu ngolungolu.

Na parpudi, dohonontama songon nidok ni umpasa;

"Horbo ni Gompar Tanduk

Maninggala di balian

Molo dung do niunduk

Sitokkama marsidalian"

 

 

Sabar dalam Pengharapan

 

Sabar dalam Pengharapan

Nats Alkitab: Yakobus 5: 7–11

Seorang petani menceritakan kesulitan yang dihadapinya pada musim tanam yang lalu. Mulai dari berhentinya hujan dan sulitnya air saat sawah mulai dibajak, hingga serangan hama yang memaksa mereka menanam ulang benih padinya hingga tiga sampai empat kali. Selain menambah pekerjaan, masalah itu tentu menambah keresahan. Solusinya? Tetap menggarap sawah sebaik mungkin dengan penuh kesabaran seraya berdoa agar hasil panen tidak mengecewakan.

Bersabar menghadapi penderitaan. Inilah nasihat Yakobus kepada orang-orang miskin yang menderita karena tekanan orang-orang kaya. Yakobus mengajak mereka melihat penderitaan dari sudut pandang Allah. Dengan cara ini mereka dapat melihat tujuan akhir penderitaan dalam pengharapan akan kedatangan Tuhan yang menguatkan. Yakobus tidak mengatakan bahwa orang-orang kaya yang menindas mereka akan digulingkan. Namun, Yakobus mengajak mereka untuk belajar pada kisah Ayub dan percaya bahwa Tuhan menyediakan berkat.

Bersabar adalah tetap menantikan Allah. Menanggung penderitaan, ketidakadilan, kesulitan, dan penganiayaan tanpa bersungut-sungut sekalipun Allah tidak segera menunjukkan tanda-tanda untuk menolong kita. Kesabaran orang Kristen bukan sekadar bertahan karena terpaksa, melainkan bersedia tunduk di dalam hikmat serta kehendak Allah sekalipun terasa berat dan sulit. Terus berbuat baik tanpa lelah, tetap teguh di dalam Tuhan. Tetap menyerahkan hidup kepada Allah dalam iman dan pengharapan, sekalipun banyak penderitaan dan tertatih-tatih dalam berjalan.

Semoga kasih Yesus selalu menyertaimu, Amin!

 

Mabiar mambaen tangiang

 Mabiar mambaen tangiang

Partangiangan lunggu/weijk/sektor ma dibagas ni sada keluarga. Jadi andorang so dipukka dope  partangiangan dibagihon ma urutan ni acara, adong do disi tangiang pangondion sian parjabu.

Kebetulan amanta parjabu i mabiar hian mambaen tangiang. Dung naeng sahat tu tangiang pangondionon haruar ma amantai mangalap nampunasa jabu i, ala marbarendeng do jabuni halaki.

Alai pas lagi dang disi antong natua-tua nampunasa jabui. Masuk ma muse amantai tu jabu mandohoti partangiangan i.

"Tauduti ma tangiang sian parjabu." Inna pangulani huria manjaha acara.
"Sattabi jo amang, lagi dang dison parjabuon. Hami na mengontrak do dison!" Inna amanta parjabui ala mambiar mambaen tangiang. Masiberengan ma sude na torop i huhut mengkel supaing, hamu angka dongan panjaha, godang do halak Kristen na so umboto martangiang hape di goari ibana halak Kristen taingot ma hata ni di Mateus 26:41 namandok Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging!

Barita mardongan Poda : UNANG HOLAN HATANA SIBEGEON ( SITAU BEGEON )

 

UNANG HOLAN HATANA SIBEGEON ( SITAU BEGEON )

Jakobus 1:19 Ingot hamu ma, angka donganku na hinaholongan: Ganup jolma, girgir ma ibana mananginangi, bangkol ma ibana mangkatai, bangkol ma tarrimas!

Natumabo diportibion ima molo boi do tangihonon ni dongan kita uju manghatai. Jala nuaeng nungga sahira sahit bei. Dengan manang so denggan pe hatantai ingkon begeon ni halaki, jala memang adong do pangkilalaan pandapot dohot ulaonta ma nIan na sintong.

Adong do piga dongan angka pangula naung pensiun, hea do deba sian nasida sanga hundul di angka uluan dohot angka kepala ni angka . Binoto do tangkas prestasi nasida tingki aktif memang mansai salut do angka sundut naumposo. Gabe songon guru do tahe nasida dipatupa angka donganna pangula. Disada rapot Huria dung gabe ruas nasida jala dohot anggota rapot , dipangido pandita ma pandapot nasida didok ma ” songonondo pandita nami, anggo hami najolo ,........... dipatorang ma angka naung hea niulana, dohot prestasina. Sampe 3 jom.. alani ingkon songonido patupaon muna.

Mulai ma marhusipi angka deba sian dongan na marrapoti, tingki reses rapot nisungkunma anggota parrapoti ai beasa songon na marhusipi hamu, ima da amang ninna ai hea do nasida dison mangula, alai di boto amang do, molo marjamita amantai mansai lambok ma sahat tu pusupusu, alai dung sun marjamita sai holan hepeng do disungkuni,gariada tahe dohot inantai holan naribut do ganup ari, masilelelelean hira film india, laos bereng amang ma annon simpul mangan sian rapoton manigor mulak mai, dohononna ma tole torushon hamu majo rapoton ate ai holan pingkiran do sian natuatua ba gogo sian naposo, alai laos nasida do annon manghatai di lingkungan ndang adong haputusan ni rapoti, dohot do au marrapot.

Toho ma tutu dung adong hata masuk ma hita asa tauduti parrapoton, mintor parmisi ma nasida muli, tolu bulan nai binoto ma muse sude hasil rapot huria didok ah ndang songoni hasil ni rapot, songonondo dipatorangma mansai lambok begeon, alai holan sahalak pe mandok ndang songoni amang ninna migor mulak do ibana

Lam leleng lambinotoma memang naung sahit do hape sian najolo, holan sitau begeon do nasida, asal adong hape manghatai ndang porlu tangihonon, jala sude naniula ni donganna sala sude holan ibana do nasintong , boha tutu songonido nuaeng ahu holan sitangihonon do ala soboi interupsi jamita songon sidang na di DPR an molo boi nian ate molo boi hita manangihon suara ni dongan ido nanaeng si parsiajaran ate anggo laho sitangihonon do naung somal doi songonnanidokna di Jakobus 1:19 Ingot hamu ma, angka donganku na hinaholongan: Ganup jolma, girgir ma ibana mananginangi, bangkol ma ibana mangkatai, bangkol ma tarrimas!

( Nienet sian Engkel namarimpola )

PUTOR SONGON LANGKITANG, PIU SONGON TALI LANGKITANG DOHOT HIJE PATIK PAUALUHON "UNANG HO MANANGKO"

 

PUTOR SONGON LANGKITANG, PIU SONGON TALI

LANGKITANG DOHOT HIJE

PATIK PAUALUHON "UNANG HO MANANGKO"

Sai didok umpama do: "Putor songon langkitang, piu songon tali", masa na so binoto aha alana. Dilaon-laon ni ari naung salpu, marsisulu ari do langkitang di topi ni sada binanga i potpot do hau marsiajar, jala tombak longolongo ma tu bagasanna, parasaran ni babiat, parsigantungan ni homang. Lungun do inganan i, ai tar-dumao do angka jabu, boi tatapan do sian inganan i. .?i na mansusudu ari i langkitang, ro ma hije naeng marsobur, ai tung pilngas do ari dihatiha i. Panjumpang ma ibana dohot langkitang i, jala didok hije i ma: "ai na marhua do hamuna lae dison ?" na marsisulu ari do ahu ompung, ai nunga loja ahu na sai mian di bagasan aek on, ninna langkitang i. So jolo tahe lae ! ai boasa didok halak "putor songon langkitang, piu songon tali ?" ninna hije i. Na disungkun ho do i ompung tu ahu, ai anggo dimulana i sude hami langkitang ndang songon hami nuaeng on marputoran; tung tigor hian do dagingnami. Songon on ma baritanami ompung, ninna langkitang tu hije i: Najolo boi do hami mardalan di tur, ai adong do patnami ! Disada hatiha laho do hami mardalan-dalan tu sada inganan, torop do hami sauduran. la nunga male hami, tarbereng hami ma bulung ni antajau, manjangkit ma hami, jala hupasuda hami ma sude bulung ni antajau i rampak dohot parbuena. Dinaso panagaman ro ma nampunasai, diida ma hami mamohali bulung ni antajau i dohot parbuena. Muruk ma nampunasa i, dipaturun ma hami jala dipapungu,  dipasahat ma tu Raja. Satolop ma raja sude, ndang pola bunuon, alai digotap ma patnami, Jala diauphon tu binanga. Dung songon i haputuson ni rapot ni angka raja i, disuru ma manggotap patnami jala dibolongkon hami tu binanga. Mansai hansit do parniahapannami, ai mate so mate do hami, mangolu so mangolu. Sude ma hami masidilat patna naung magotap i, jala ala sai marputor hami laho mandungdung pat i, gabe putor ma dagingnami. Tubu ma songon hapur di ulunami, ujungna gabe himpal ma hapur huhut birong. Mansai dokdok ma huhilala hami, gabe hupaune-une hami ma laos tu bagasanna ma hami manuruk, ba tudia hami laho disi ma jabunami; ai nunga gabe di tanggurung gabe jabuniba. Ido umbahen didok: "Langkitang gabe hapur, nahinilang gabe mambur". ninna langkitang i tu hije i. Sai munduk-hunduk do hije i paihut-ihut barita ni langkitang i. Alai didok langkitang i ma tu hije i: "ai beha ia ho ompung rajanami, boasa marsigijanjangi ia patmu ?" Ido alana umbahen sai ro ilungku lae, paihut-ihut baritam nangkin. Songon na sarupa huhilala na masa tu hita, ai ahu pe na adong do uhum tu ahu umbahen songon on, ninna hije i tu langkitang Didok hije i ma baritana songon on: Disada hatiha najolo laho do hami mardalani tu sada huta. Torop do pangisi ni huta i, alai ndang dos roha nasida. Ro ma tu rohangku: Hutangko ma jolo jagung ni parhuta on, asa masituhasan nasida, ai dohononna ma na dibuat pangisi ni huta on do jagung i. Jadi ndang tarida ahu na mambuat. Sahali, dua hali ..., manang na piga hali, ndang tardapot ahu, Sai na sahuta i do masituhasan, pola marbadai. Hape disada tingki huulahon ma hasomalanki, hape tompu ma ahu tarihot tu jorgong na ditanom nampunasa i dibahal laho masuk tu porlak i. Hu-untor sai hu-untor asa malua ahu nian, hape lam momos do pathu dirahut jorgong i, laos so boi huharhari. hami tu hutana. Dipapungu nampunasai ma angka raja adong di luat i, aha bahenon uhum tu hami,  Ujungna didok ma. na "ho do hape parjahat i, namanganhon na so niulam, hape hami na sahuta masituhasan, pola marbadai hami" ninna nampuna porlak i. Olo tahe lae, nunga ma jolo ahu, ai godang ro ma nampunasa porlak i, dibereng ma ahu. Hudok ma tu nampunasa porlak i, jora ma ahu ompung, palua ma ahu, ndang ulahononhu be songon on. Alai didok nampunasa porlak i do, ndang boi be songon i; alai ingkon hu-papungu na ma na sahuta on mandabu uhum tu ho, jala unang masituhasan be hami. Dipapungu ma antong na sahuta i dung diboan ahu tu pogu ni alaman. Marhaliang ma nasida, masibahen usulna, jala diputushon ma, asa gotapanna pathu. Digotap ma pathu, jala dipalua ma ahu ! Sai huubati ma pathu na magotap i, ujungna malum ma. Alai ndang be boi ahu mardalan, gabe martugarang na ma ahu, somalna do peamna naung jongjong hian, gabe martugarang, ba tanganhu naung adong hian gabe pat hu ma nuaeng, ido alana umbahen songon i ahu lae, ninna hije i tu langkitang. Antong sarupa do uhum na tu hita, ala ni na manangko ugasan ni halak. Sai dapot do angka parsala, angka pardosa, namartogohon na so togona, na manganhon na so pangananna. Najolo do i lae, ninna hije i . Ai .molo binereng dipudian ni ari on, ba nunga godang namokmohan angka panangko, dibuat ugasan di halak bahen tu hamoraonna, laos so adong binereng uhum tu nasida. Olo tutu, ninna langkitang i ! Alai holan paima tingki do i ba molo tung so dapot uhum ibana, didok rohangku bahenon ni Debata ma do uhum tu angka parjahat. Ndang sonari tarida, ba olo do tu pomparanna mangonai uhum i, ninna langkitang tu hije i. loja hita na manghatai on, mulak ma hita godang do pe ulaonhu naringkot. Marsirang ma nasida, alai sai diroha nasida isi ni panghataionna i. Sian Baritaon boi ma dapoton ta songon nidok ni patik Paonomhoni , Unang ho manangko , langkitang gabe hapur do nahinilang gabe mambur, uang setan di makan hantu

SI POGOS-POGOS Ingkon Pasangapon mu do natorasmu asa martua ho jala leleng mangolu di tano na nilehon ni jahowa Debatam di ho Patik Palimahon

 

SI POGOS-POGOS

Ingkon Pasangapon mu do natorasmu asa martua ho jala leleng mangolu di tano na nilehon ni jahowa Debatam di ho

Patik Palimahon

Molo didok pogos boi ma botoon parniahapanna, ai hahurangan ma i di sipanganon, hahurangan di parabiton. Marsali pe halak na pogos maol dioloi halak, ai biar do roha ni na naeng pasalihon, maon annon so boi dipaulak di pudian ni ari. Goar si Pogos-Pogos boi do goar tulut, ala ni pogosna. Alai adong do hea binereng na margoar "Raja Napogos", hape namora do ibana, ai gok artana manang sinamotna. Turi-turian sipaboaon ni panurat, i ma sahalak na tingkos na pogos, alai na pantun marpangalaho, burju marnatuatua, ' dihahologi donganna do ibana, atik pe pogos. Di sada inganan adong do sada ripe, holan sada do anakna, tampuk ni pusu-pusuna, urat ni ate-atena, na margoar si Padot. Goar ni ama i, Ama ni Padot, tontu Nai Padot ma pardihutana. Maringanan do nasida di topi ni sada binanga, jala harangan do na humaliang binanga i. Ulaon ni A ni Padot mambuat soban sian tombak, gabe digadis ma parbodarianna. Ndang apala boi ladang di humaliang bagas na i diula, ala marbatu tano i, huhut rahis deba. Jadi porsuk ma pangkilalaan nasida manarihon parbodarianna. Marhais martuduk do nasida, ai molo adong dapot soban sian tombak, ba digadis ma, ipe asa boi mangalompa. Ala ni pogos ni A ni Padot, atik pe nian padot ibana, digoari halak ma anakna si Padot i "si Pogos-Pogos". Nang pe 30 laho tu tombak si pogos-pogos dijou halak si Padot i, dialusi do, ai ro tu rohana, tingkos do panjouon ni angka halak i, ai so dapot mangan hami. Na burju do si Pogos-Pogos marnatoras, ai sai dihasiati do natorasna i unang loja, gabe ibana ma marsoban songon manghasiati natorasna i. Di sada tingki laho ma ibana marsoban tu tombak, alai na so sian panagamanna patungaroman ma "Ompu ni Tombak" i (babiat), jala mabiar situtu ma ibana. Lam jonok ma soara ni babiat i, dung i tompu ma tarida di jolo ni si Pogos-Pogos. Didok si Pogos-Pogos ma tu babiat i: "Ompung na gogo, raja do ho di tombak on!"; pasiat ma pangidoanhu, unang pangan ahu. Didok babiat i ma: nIse marsuru ho tu inganan on, jala boasa barani ho ro tu tombak on so parmisi sian ahu?" Didok si Pogos-Pogos ma: "Tajom raut parnabung, tumajoman do siubeon, molo male". Na male do ahu ompung, mambuat soban asa adong gadison ni dainang, laho manuhor parbodarian!". Diultong si Pogos-Pogos ma hosana, ala ni biarna, aisai patungoromon do babiat i. Muli ma ho tu hutam, nunga hutanda roham, na burju do hojala molo ro ho tu tombak on unang dok goarhu, alai jou ma ahu "Ompung" manang "Nagogo", nina babiat i. Dung mulak ibana, sahat tu jabu, pintor dipaboa do na masa i tu natorasna, gabe dijomput natorasna ma parbue tuulu ni anakna i, didok ma: "pir ma tondim anak hasian, nunga mulak tondi tu ruma". Dung hatiha i, mangula porlak ma ibana di rondang ni bulan, gabe disuan ma angka suansuanan na paro sipanganon. Nunga lam balga pamatang ni si Pogos-Pogos, gumodang nama ibana mula-ulaon sian natorasna. Lam tamba ma parbodarianna, ala gabe na niulana, jala lam torop ma donganna doli-doli mandongani ibana. 31 Sai songon ma na masa on, sar Bangkona ma i, molo di hajolmaon on, molo dung songon na dirgak, adong do na manogu, alai molo unduk, godang manjomjomhon. Situnjang na jurguk, sitogu naung hehe, songon i do godangan jolma. Di sada tingki hundul-hundul do ibana di sopo-sopo pangulaanna, ala tung posi do pamilngas ni mata ni ari tingki i. Songon palumbang hosana, laho ma ibana mardalan-dalan tu topi ni binanga i, jala dibege ibana ma sada soara ni tohuk na hansitan. Dipamanat ma tu inganan haroro ni soara i, diida ma sada ulok mamargut tohuk i huhut laos diharat tohuk i di pamanganna. Marnida i si Pogos-Pogos didok ma tu ulok i: "rajanami, beha palua ma tohuk i, unang pangan, ai nang pe dipangan ho i ndang gabe butong ho, ai met-met do tohuk i". Alai didok ulok i ma: "dirim ma pature, masiula-ulaonna do, ai sian na sogot sahat tu hos ni ari on, on do pe ahu dapotan, nang pe met-met tohuk on, nunga boi palumbang butuhangku", panalom anturaparhu, bursik ho!. dipahusor-husor si Pogos-Pogos ma hata ni ulok i, alai humalaput ma ibana mambuat parang sian gontingna, disilbakhon ma sibuk-sibuk ni hae-haena, laos disampathon tu ulok i. Marnida i ulok i pintor hatop ma manangkup sibuk-sibuk i, ai nunga tung tangkas umbalga i sian tohuk i. Dipalua ma tohuk i, jala dipangan ma sibuk-sibuk ni hae-hae ni si Pogos-Pogos i. Dihilhil si Pogos-Pogos ma duhut-duhut sirimpur laos didalhophon tu hae-haena na mabugang i. Ndang sadia leleng na masa on, sar ma barita, pur ma alu-alu, madabu tintin homitan niboru ni Raja na di huta i tu jongguran ni binanga. Tingki martapian boru ni raja i, dibuat tintin isian tanganna, hape laos madabu tu jongguran. Mulak ma boru ni Raja i tu jabuna, dipaboa ma tu natorasna, naung madabu tu jongguran tintin homitan i. Sai marsak ma boru ni raja i, arian dohot borngin huhut tumatangis, ala mago tintin hasoloan ni rohana i. Lam tamba ari, lam rr arniang ma boru ni raja i, pola sai ro tu nipina sogon na nona, ala parmago ni tintin homitan i. 32 Mamereng boruna i naung lam marniang, marhusori ma roha ni raja i, songon dia dalan paulakhon tintin homitan naung mago i. Manghatai ma raja i dohot na bisuk ni luat i, aha sipatupaon, gabe satolop ma nasida mambahen tingting tu ganup huta na di luat i mandok: "manang ise doli-doli na boi mambuat, manang mangungkor tintin homitan buri ni raja, jala dipasahat tu tangan ni boru ni raja i, imana ma saut gabe hela ni raja i". Dituptup ma sada tingki, asa pungu angka doli-doli parhonong, jala diungkor ma tintin i, hape laos so dapot. Dibege si Pogos-Pogos do nian tingting i, alai ditanda do dirina halak na pogos, gabe ndang dohot ibana rampak dohot na torop i. Di ari partuptupan pangungkoran ni tintin ni boru ni raja i, hundul-hundul do si Pogos-Pogos di soposopona. Hape di naso pamotoanna, ro ma sada tohuk mangangkat tu lambungna. Didok tohuk i ma tu si PogosPogos: "Beta ma rajanami mangungkor tintin homitan ni boruni raja i, ahu pe laho tu bagasan jongguran i, hubuat pe tintin homitan i, dung i hulehon pe tuho rajanami". Umbege i las ma roha ni si Pogos-Pogos, laho ma ibana rampak dohot tohuk i, ai tohuk na pinaluana sian baba ni ulok i do na ro tu ibana. Sahat ma nasida tu binanga i, godang dope painondur, alai anggo angka doli-doli pangungkor i nunga mulak, ala naung loja huhut maila. Mangungkor ma tohuk i, laos mangungkor ma si PogosPogos. Dung dapot ni tohuk i tintin homitan i, dilehon ma tu si Pogos-Pogos di bagasan aek i, didok ma mauliate tu tohuk i. Mullop ma si Pogos-Pogos, diboan ma tintin homitan ni boruni raja i, dung i dipasahat ma tu boru ni raja i. Mansai las ma roha ni boru ni raja i, ala naung dapot si Pogos-Pogos tintin hasiholan ni rohana i. Malum ma sahitna, jala montok ma arsakna. Las ma roha ni raja i, diontang ma isi ni luat i mambahen sada pesta, jala torop do na ro di ari binuhulna i. Di tingki pesta i, dipasaut ma si PogosPogos gabe helana, marlas ni roha ma nang natorop, ala ni na masa i.  Pangarimpunan ni turi-turian on, i ma: Sai dapotan angka ha uli do halak na burju marnatua-tua, jala na burju marpangalaho sai dihasiholi jolma do i. Na olo mangurupi halak, sai dapotan na uli do i di sada tingki na so sian pamotoanna.