JAMITA MINGGU XXIV DUNG TRINITATIS 10 NOVEMBER 2013

JAMITA  MINGGU XXIV DUNG TRINITATIS 10 NOVEMBER 2013

ROMA  12: 17-21

Taluhon ma Hajahaton Marhite Ulaon Na Denggan

Patujolo

Molo hau na denggan sinuan, na denggan ma antong parbuena ; molo hau na roa sinuan , gabe roa do parbuena, ai matua sian parbuena do tandaon hau ninna di Mateus 12 : 33, sude do jolma mamparsintahon hadengganon, hadamaeon di ngoluna tung so adong do nanggo sahalak pe namamparsintahon na roa, parsalisian dohot hajahaton. Alai dibagasan pardalanan ningolu di portibion sai godang dope masa angka lan hajahaton, parmusumuso dohot lan angka na asing tahe . Turpuk Jamita sadarion papatarhon songon dia ma kwalitas ni ngolu ni halak Kristen i di panghataion di pambahenan nang di parsaoran pe , ngolu na marparbue  songon hau na denggan .  Apostel Paulus Paingothon asa mar[parange na denggan , manghaholongi angka dongan nang musu , Gabe Siboan dame dang sipadameon.  Holong ni roha ni halak Kristeni ingkon andul sian holong ni roha ni portibion , dang marpangansi , dang marpambuat alai ingkon sian roha parbagasan lumobi mai di tongatonga ni masyarakat na majemuk  na rawan konflik ( gok parbolatbolatan) Manaluhon hajahaton marhite Ulaon na denggan

Panorangion

Unang Baloshon na jat alo ni na jat

Molo mardomu na koras tu na koras aha ma suraon na terjadi, da kehancuran do , tauji ma jo,  mangalaga batu peo tu batu peo , nda matopar do , alai batu peo di laga tu bustak , bonom ma batu peoi  tubustak i , dibondut bustak bustak nalambohi ma batu peo na pir jala korasi , bonom tu bustak na lambok I, talu do na korasi dibaen na lambok i . Uhum na somal di portibion ima uhum pamaloson , boi tapatudos tu 2 Musa 21:23-24 “ Alai molo sanga mate, ingkon hosa do abul ni hosa, Mata do abul ni mata, ipon abul ni ipon, tangan abul ni tangan, pat abul ni pat”  Alai ndanda uhum na songoni be nuaeng sipatuduhonon ni Halak Kristen , alai ingkon manaluhon ulaon na jahat merhite ulaon na denggan nama.

Siboan Dame

Di Mateus 5 : 9 didok “ Martuama si boan dame, ai goaron do nasida anak ni Deabata, dipatuduhon Jesus do Halak si ihuthon Ibana ingkon do siboan dame. Jaminan ni hasonangan dang aha na adong di hita, arta, hamoraon, pangkat, jabatan , alai cara hidup ta , ima boha do hita gabe si boan dame. Mansai uli do ma molo mian dame I disada huta, luat bangso nang Negara pe, mangolu dibagasan dame ima sada bukti naung mangolu dibagasan Kristus, Mardame dohot Debata, mardame dohot dongan jolma dohot nang musu niba. Mengupayakan mambahen na denggan tu saluhut halak termasuk musu. Bersikap olo manesa sala ni dongan ( mau mengampuni ) bermurah hati. Ala Pamaloson ( Balas dendam dang bersifat mendidik jala dang paujungkon angka parsalisian. Gabe si pademak huta, huria bangso  ma hita manang didia pe maringanan, habaoran ni pasu pasu dohot si pardame

Mangaringkoti na denggan dohot Manghaholongi musu

Mambahen na denggan tu angka Musu manang Parjahat?  Didok  sahalak  sastrawan ni halak Romawi na margoar Yuvenalis songonon “ Holan angka pargale jala na bodo do na olo patupahon pamaloson “ marlapatan doi dang adong hape labana patupa pamaloson manang balas dendam. Tuhanta Tuhan Jesus mansai tangkas mandok dibagasan turpuk on “ Hamu angka na hinaholongan Unang hamu “ MARLULU” pasahat hamu ma rimasi tu Debata di ahu do pamaloson , marlapatan molo tung adong pe sibahen na jahat tu Hita , tu Debata ma tapasahat asa Debata na mamalos . ai Debata do na tau patupa pamaloson , dang adong huaso ni jolma laho manguhumi donganna, ai holan Debata do paruhum na tigor, tung pe sipata gabe korban hita disi alai dang na gabe hita “ Hakim” tu perkaranta sandiri. Tapasahat ma tu Ibana nampuna uhumi asa di timbang jala di pinsang sibahen angka na jahati . Mansai tangkas did ok di ayat 20 : on pe jumpa male musum lehon ibana mangan, jumpa mauas ibana painum. Ai songon na pagukguk gara do ho atas uluna anggo di bahen ho songoni.

Adong sada Sarito songonon : Adong ma du Halak ina mar tetangga, tagoari ma jo inanta na sada on goarna si Dame, goarni inanta na sada nai si Geor , Inanta Si Dame on godang na rajin do marpahanpahanan jala godang manukna , sa-alaman do nasida dohot inanta si Georon , dinasahali masuk ma manuk ni inanta si Dameon tu pamispisan ni jabuni si Geor on, muruk do antong inanta si georon, ditangkup ibana manuki pintor di ponggolhon rungkung na, dungi di timpalhon ibana tu jolo jabu ni inanta si Dameon, dibereng Si Dame ma manuknai nunga mate, jala dibuat laos di goring, dibaen gabe ayam goring , dung botari dung mulak anakna sian singkola, disuru inanta si Dame ma anaknai manaruhon ayam gorengi tu jabuni inanta si Geori, dohot pesan nion tongosan ayam goreang sian oma ninna mamatihi anaknai. Dijalo inanta si Geor i  do ayam gorengi jala mansai tabo di pangan. Dua ari dung salpui ro do muse manuk ni si Dameon tu alaman ni si geor i , tong ma songoni di baen di tangkup manuhi jala diponggolhon rungkungna laos di timpalhon muse tu pamispisan ni jabu ni si Dame, di baen si Dame gabe ayam panggang laos di taruhon tu si geor, patoluhalihon tongsongni dibahen ma gabe manuk na pinadar, jala sai tong\tong dilehon tu si geori . Sai Tabo do dipangan inanta si geor I torus, alai sadar ma inantai dibagasan rohana huhut didok sai sian dia do nuaeng torus kiriman ayami ninna rohana, dinasahali di patangkas ibana ma anakni inanta si Dame i , ai torus omakmu mangalehon ayam tu hami ai sian sian dia doi ninna, ro ma anakni si dame i mangalusi, ai manuk na sai pinonggolhonmunai doi nantulang ido digoreng, dipanggang , dohot dipadar oma jala di lehon tu nantulang , Bah amang magonai au ninna inanta si geori dibagasan rohana, nga sala au hape salelengon, pintor marlojongi ma ibana laho tu bagas ni si Dame huhut minta maaf, maaf ma edakku naburju salah ma au disi na jahat hubaen tu ho alai na denggan do balosna  Dang dibaloshon si Dame najahat na binaen ni si Geori alai di balos do dohot ulaon na denggan .

Mateus5 : 38-45 Mandok “ Holong ma rohamuna di musumuna , tangianghon hamu ma angka napaburu-buru hamu , halak Kristen dang rade patupa pamaloson , alai manaluhon najahat merhite hite ulaon na denggan , jala marsaor ma hita tu saluhut halak

Kehadiran ni halak Kristen naeng ma Gabe Pasu-pasu dohot Sira manang didia pe , mangharinghothon dame tu saluhut halak jala margogo patupahon ulaon na denggan  AMEN