Unang Parmeammeam Hata

Adong ma sahalak doli doli naeng parmeammeamhon donganna, antar jotjot do ibana rupani marmeam meam laho mangkarejoi donganna sahuta. Di nasahali " Mangangguk ma ibana : Tolong , tolong huta, ro babiat nanaeng mamolgak ahu, ninna huhut marsoara na gogo manang marpiga piga hali . Sude ma na sahuta umbegesa jala marlojongi masiboan podang na be laho mangurupi, hape dung ro angka donganna sahutai , diberang ma doli doli i , margakargak ( mengkelengkel ) sonang rohana ala boi di paoto-oto jala di parmeam meam na sahutai . Manang na piga minggu nai di ulahi ibana ma muse , mandok Tolong. Tolong Huta bereng hamu au nga naeng di parsurage Babiat on ahu Hamuna??? urupi hamu au ninna, burju do tong angka dongan sahutanai ro do nasida atik tung toho tahe ninna rohana, alai dung sahat nasida , dibereng ma doli doli i sai mengkel-engkel las situtu rohana idaon  ( ninna rohana di bagasan : angka na oto ma antong dongan sahutakkon las boi holan na hupaoto oto, jagona i ahu ninna huhut sai martata ). Dung Sabulanna i dibege Hutai ma soarani doli doli i sai mangangguhi mandok " Tolong Huta , urupi ahu, urupi hamu au nunga ro Babiat naneng pasudahon au, Tutu do huta dang margabus au , sai ninna ibana sampe maradu marporo soarana, alai sude na sahutai dang adong be na olo ro, di na marmeammeam doi ninna rohana sip be . Hape toho situtu do ro babiati , Laos mate ma ibana di allang babiati. ai so adong be na olo ro mangurupi.  Ima tahe molo sai holan na marmeam meam hata, tung tutu pe nanidoknai dang adong be na mamparhatutu i, ujung na mago ma hosana , alani unang parmeammeam hita hata, tajaga ma pangabastai, Jak 3:1-12